პრემიერ–მინისტრი ბორის თათეშვილის საამქროში

მეწარმემ პრემიერს მეტალისა და ხის დამუშავების წესები გააცნო და განუმარტა, რომ სახელმწიფოს თანადაფინანსებით, შეიძინა ვერტიკალური საბურღი აპარატი, მიკროსკოპი, ლენტური სახერხი მანქანა, რომელთა წყალობითაც გააუმჯობესა სადურგლო და საიუველირო საქმიანობა.

"ამ დაფინასებით 5 წლით წინ წავიწიე. ჩემი თანხა ჩავდე ბიზნესში 1.500 ლარამდე, ხოლო სახელმწიფომ 5.000 ლარით დამაფინანსა. მადლობის მეტი არაფერი მეთქმის“, – განაცხადა მცირე მეწარმემ.

შეგახსენებთ, მიკრო და მცირე მეწარმეობის ხელშეწყობის ინიციატივა სახელმწიფო პროგრამის „აწარმოე საქართველოში“ ფარგლებში ხორციელდება. 15 თებერვლიდან პროგრამის მეორე ეტაპი დაიწყო, რომელიც 31 მარტს დასრულდება. პროგრამა მიზნად ისახავს რეგიონებში მიკრო და მცირე ბიზნესის განვითარებას, მეწარმეთა მხარდაჭერას, რეგიონული ბაზრების განვითარებას, მოსახლეობის შემოსავლების ზრდას.

პროგრამას საქართველოს ეკონომიკისა და მდგრადი განვითარების სამინისტროს მეწარმეობის განვითარების სააგენტო ახორციელებს ადგილობრივ ორგანიზაციებთან ერთად. სამცხე–ჯავახეთსა და ქვემო ქართლში შერჩეულია ორგანიზაცია „რეგიონული განვითარების ასოციაცია“.





[ვარლამ წიკლაური, ახალციხე]