ადიგენში სასაფლაოს ტერიტორიას ათვალიერებენ

„სამხრეთის კარიბჭეს“ რეპორტიორის ინფორმაციით, ამ დროისთვის სოფელ ადიგენში, სასაფლაოს ტერიტორიაზე არიან ადიგენის მუნუციპალიტეტის გამგებელი ზაქარია ენდელაძე, მისი მოადგილე მინდია ჯელია, ასევე, მუფთები და ადგილობირივი ქრისტიანები და მუსლიმები.

„შეთანხმება უკვე მიღწეულია და ყველაფერი მალე გაფორმდება პროცედურულად“, – განაცხადა ადიგენის მუნიციპალიტეტის გამგებელმა ზაქარია ენდელაძემ.

შეგახსენებთ, დღეს, დილით, ადიგენში, გამგეობის შენობაში, შედგა მოლაპარაკება, რომელზეც მხარეები საერთო სასაფლაოს მოწყობაზე შეთანხმდნენ. შეთანხმების მიხედვით, გაფართოვდება არსებული სასაფლაოს ტერიტორია, გაიმიჯნება და ექნება ორი ცალ–ცალკე შესასვლელი.

შეგახსენებთ, ადიგენში სასაფლაოს გამო ადგილობრივი მუსლიმი და ქრისტიანი თემი ერთმანეთს 29 თებერვალს დაუპირისპირდა.

[ნინო ნარიმანიშვილი, თამუნა უჩიძე, ადიგენი]