ნინოწმინდელმა მოჭადრაკეებმა პირველ-მეორე ადგილები გაიყვეს

ნოემბრის ბოლო კვირას თბილისის ჭადრაკის სასახლეში საქართველოს საჭადრაკო ტურნირი ჩატარდა, რომლის ორგანიზატორიც საქართველოს ჭადრაკის ფედერაცია იყო.

ტურნირში 18 სპორტსმენი მონაწილეობდა, რომელთაგანაც პირველი და მეორე ადგილები ნინოწმინდის სექციის მოჭადრაკეებმა დაიკავეს.

კამო ამბარიანმა ყველა მეტოქეს აჯობა, თავისივე სექციის მოთამაშესთან არამაის სააკიანთან თამაში ფრედ დაამთავრა და პირველი ადგილი დაიკავა. მთლიანობაში კამო ამბარიანმა 7 ტურიდან 6.5 ქულა დააგროვა. არამაის სააკიანმა კი 7-დან 5.5 ქულა დააგროვა და მეორე ადგილი მოიპოვა.

თამაში შვეიცარული სისტემით – 7 ტურად ჩატარდა. ტურნირში მთელი საქართველოს საჭადრაკო სექციებისა და სკოლების სპორტსმენები მონაწილეობდნენ.

“ჩვენთვის ეს გამარჯვება და ჩვენი მოჭადრაკეების კარგი გამოსვლა მოულოდნელობა იყო, მოულოდნელი იყო ეს ჭადრაკის ფედერაციისთვისაც”, - ამბობს ტრენერი იურა კუიუმჩიანი.

[აღუნიკ აივაზიანი, ნინოწმინდა]