‘მილიონი სვლა’ – ჭადრაკის ონლაინ ჩემპიონატი ახალციხეში

ონლაინ ჩემპიონატი „მილიონი სვლა“ ახალციხეში, სამხარეო ადმინისტრაციის შენობაში 12:00 საათზე დაიწყო. თამაში 48 საათს უნდა გაგრძელებულიყო, თუმცა, დაახლოებით, 20:30 საათზე, 35–ე სვლაზე ცაგერი ახალციხეს დანებდა. მატჩში ახალციხიდან 15 და ცაგერიდანაც, ასევე, 15 მოსწავლე იყო ჩართული.

ამავე ჩემიპონატის ფარგლებში პირველი ონლიან ტურნირი ახალციხეში 11 მაისს ღია ცის ქვეშ ჩატარდა. სვლებს საზოგადოების სხვადასხვა წევრები აკეთებდნენ. მაშინ ახალციხელები თბილისის გუნდს ეჯიბრებოდნენ და მოუგეს კიდეც.

ახალციხეში „მილიონი სვლას“ ორგანიზებას ახალციხის მუნიციპალიტეტის მერიაში სპორტის განყოფილება უწევს.

„მილიონი სვლის“ საორგანიზაციო ჯგუფი რამდენიმე დღეში გამართავს საჭადრაკო ონლაინთამაშს ამერიკის შეერთებულ შტატებსა და ჩრდილოეთ კორეას შორის, სადაც პირველ სვლას გააკეთებს დონალდ ტრამპი და კიმ ერ სენის შვილიშვილი – კიმ ჩენ ინი. მოლაპარაკებები მიმდინარეობს ტექნიკურ საკითხებზე“ – ვკითხულობთ „მილიონი სვლის“ ოფიციალურ ფეისბუქის გვერდზე.

საჭადრაკო პროექტში „მილიონი სვლა“ მოთამაშეები თითო სვლას „მილიონი სვლისთვის“ სპეციალურად შექმნილი ონლაინპლატფორმისმეშვეობით აკეთებენ. „მილიონი სვლა“ ესაა ქართული ინოვაცია, რომლის მიზანი ჭადრაკის და საქართველოს პოპულარიზაციაა.



[თორნიკე ზაზაძე, ახალციხე]