ახალციხეში მოსწავლეებს შორის ჭადრაკის და შაშის ტურნირი მოეწყო

ტურნირი ახალციხის მუნიციპალიტეტის მერიის ორგანიზებით, პროექტის „სპორტი ბარიერების გარეშე“ ფარგლებში მოეწყო.

შაშში პირველი ადგილი გოგონებიდან ეკა თაბაგარმა და ვაჟებიდან დავით მაღლაკელიძემ დაიკავა. ჭადრაკში პირველ ადგილზე გოგონებიდან სალომე ზაზაძე და ნინო ველიჯანაშვილი, ვაჟებიდან კი ნოდარ თათოშვილი და გლახო ნებაძე გავიდნენ.

გამარჯვებულები ახალციხის მერიამ სიგელებითა და სამახსოვრო საჩუქრებით დააჯილდოვა.

გამარჯვებულები, რეგიონულ ტურნირში მიიღებენ მონაწილეობას. რეგიონულ ტურნირში გამარჯვების შემთხვევაში კი ანაკლიის ბანაკში გაემგზავრებიან და საქართველოს პირველობისთვის იბრძოლებენ.



[ავთო ინასარიძე, ახალციხე]