1.834.991 ლარით
ქალაქ ახალციხეში ინფრასტრუქტურა 11 ქუჩაზე მოწესრიგდება. ეს ქუჩებია: გოგებაშვილი, ყაზბეგი, გურამიშვილი, ათონელი, ხმალაძე, მებაღიშვილი, თაყაიშვილი, გორი, ქუთაისი, ერევანი და ივანე ახალციხელის ქუჩა.
2.227.757 ლარი დაიხარჯება
ახალციხის მუნიციპალიტეტის სოფლებში 9 პროექტის განსახორციელებლად. თანხა ასე ნაწილდება:
286 700 ლარი – სოფელ აწყურში სასმელი წყლის სისტემის რეაბილიტაცია;
348 749 ლარი – ახალციხე–წყრუთი–ანის საავტომობილო გზის რეაბილიტაცია, მეორე ეტაპი;
317 834 ლარი – წირა–ანი–სვირი–ბოგის საავტომობილი გზის მონაკვეთის რეაბილიტაცია, მეორე ეტაპი;
333 671 ლარი – წყრუთი–ჭვინთა–ელიაწმინდის საავტომობილო გზის რეაბილიტაცია;
267 557 ლარი – სოფელ მუსხის საავტომობილი გზის რეაბილიტაცია;
285 000 ლარი – სოფელ საძელის ცენტრალური გზის მონაკვეთის რეაბილიტაცია;
126 350 ლარი –სოფლების წყალთბილა–ნაოხრების საავტომობილო გზის რეაბილტიაცია;
129 253 ლარი – სოფელ ანდრიაწმინდის საავტომობილო გზის რეაბილიტაცია;
132 643 ლარი – სოფელ სხვილისის საავტომობილო გზის მონაკვეთის რეაბილიტაცია.
2.142.814 ლარით
ადიგენის მუნიციპალიტეტში 4 პროექტი განხორციელდება.
2016 წელს ადიგენში რეაბილიტაცია ჩაუტარდება ქვემო ენთელი - ზემო ენთელი - ფხერო -შოყა - ოქროს ციხის ადგილობრივი მნიშვნელობის გზას. აღნიშნული გზის რეაბილიტაციის მეორე ეტაპი მიმდინარეობს. ასევე მოასფალტდება დიდი ზანავი-პატარა ზანავი-ჭულეს დამაკავშირებელი გზა. გზის საფარი მოწესრიგდება დაბა ადიგენში: თამარ მეფის, ჩადუნელის და ბალახაშვილის ქუჩებზე. სასმელი წყლის სათავე-ნაგებობა და მაგისტრალური ქსელი მოეწყობა ადიგენის მუნიციპალიტეტის სამ სოფელში: ჩორჩანში, დიდსა და პატარა სმადაში.
2.392.108 ლარით
ბორჯომის მუნიციპალიტეტში 6 პროექტი განხორციელდება.
ქალაქ ბორჯომში იგეგმება: შიდა ქუჩების რეაბილიტაცია, ფეხით სავალი გზების მოწყობა და კოსტავას სახელობის სკვერის რეაბილიტაცია; დაბა ბაკურიანში მთის ქუჩის დასახლებისა და იაგორას ველის მიმდებარე ტერიტორიის საკანალიზაიო ქსელი მოწესრიგდება, ბაკურიანში მოასფალტდება საავტომობილო გზები. საავტომობილო გზის რეაბილიტაცია იგეგმება სოფელ კორტანეთშიც
2.100.000 ლარს
ასპინძის მუნიციპალიტეტი გზების მოასფალტებისთვის დახარჯავს.
2.100.000 ლარიდან ყველაზე მეტ თანხას, 800.000 ლარს, ასპინძის თვითმმართველობა სამი სოფლის: ჭობარეთის, ორგორისა და სახუდაბელის დამაკავშირებელი გზის მოასფალტებისთვის დახარჯავს. ამით რეაბილიტაციის მეორე ეტაპი დასრულდება. 300.000 ლარით სოფელ ოთის გზის ნაწილი მოასფალტდება. 350.000 ლარით კი სოფელ ნაქალაქევამდე მისასვლელი გზა სრულად მოწესრიგდება. რაც შეეხება დანარჩენ თანხას, დაახლოებით 650 000 ლარს, ამით ასპინძაში 6 შიდა ქუჩა მოასფალტდება.
1.700.000 ლარით
ნინოწმინდის მუნიციპალიტეტში 3 პროექტი განხორციელდება. ქალაქ ნინოწმინდაში რეგიონებში განსახორციელებელი პროექტების ფონდიდან ერევნის ქუჩის რეაბილიტაცია დაფინანსდა. მოასფალტდება სოფლების: ეშტიისა და არაქალის საავტომობილო გზებიც.
რეგიონებში განსახორციელებელი პროექტების ფონდიდან
ახალქალაქისთვის 2.718.020 ლარია გამოყოფილი.
ამ თანხებით, ქალაქ ახალქალაქში 14 ქუჩა მოასფალტდება. ესენია: სპანდარიანის, კნუნიანცის, დარბინიანის, მარქარიანის, კეცხოველის, ლომსაძის ორი ქუჩა, ვანციანის ასევე ორი ქუჩა, კეცხოველის, რუსთაველის, ჭავჭავაძის, წერეთლისა და მარქარიანის. ასევე, მოასფალტდება მრავალბინიანი კორპუსების ეზოები და სოფელ ბავრამდე მისასვლელი გზა. სოფელ ბურნაშეთში სასმელი წყლის წყალსადენს ჩაუტარდება რეაბილიტაცია, შეკეთდება ახალქალაქის ცენტრალურ სტადიონიც.
[თინათინ ზაზაძე, ახალციხე]