პაატა ბურჭულაძის ფონდი ხვალ ახალციხეში ოფისს გახსნის

„საქართველოს განვითარების ფონდი“ ცნობილმა საოპერო მომღერალმა და ფონდ „იავნანას“ პრეზიდენტმა პაატა ბურჭულაძემ დააფუძნა. ფონდის მიზანი "ქვეყნისთვის აქტუალური საკითხების განხილვა და სახელმწიფოებრივად მოაზროვნე დემოკრატიული ძალების კონსოლიდაციაა".

ორგანიზაციის სახელწოდებააა "პაატა ბურჭულაძე - საქართველოს განვითარების ფონდი". მისი სამეთვალყურეო საბჭოს თავმჯდომარე თავად პაატა ბურჭულაძეა, აღმასრულებელი დირექტორი - პრეზიდენტ გიორგი მარგველაშვილის ყოფილი მრჩეველი ივანე მაჭავარიანი. ორგანიზაციის წესდების მიხედვით, მისი მიზანია წარუდგინოს ფართო საზოგადოებას წინადადებები შემდეგი მიმართულებით: სახელმწიფო მმართველობა და დემოკრატია, კონსტიტუციური საკითხები, ეკონომიკური პოლიტიკა, ადამიანის უფლებები, ჯანდაცვა და სოციალური საკითხები, ენერგეტიკა და გარემოს დაცვა, საგარეო პოლიტიკა, სამოქალაქო შერიგება.

ფონდის რეგიონული ოფისი ახალციხეში15:00 საათზე, რუსთაველის N69–ში გაიხსნება. 16:00 საათზე კი ახალციხის ციხეში, სასტუმრო „რაბათის“ მესხურ დარაბაზში პაატა ბურჭულაძე, ფონდის სხვა წევრებთან ერთად, ადგილობრივებს შეხვდება.

[sknews.ge]