სამცხე–ჯავახეთის რეგიონულ პოლიციას სამი ახალი ავტომობილი გადაეცა

მთავარი → სამართალი 03.02.2016

შსს-ს რეგიონების პოლიციის დეპარტამენტების ავტოპარკი მაღალი გამავლობის „ფორდ რეინჯერის“ მოდელის ავტომანქანებით შეივსო.

სამცხე–ჯავახეთის რეგიონულ პოლიციას სამი ახალი ავტომობილი გადაეცა

როგორც საქართველოს შიინაგან საქმეთა სამინისტროში განმარტავენ, შინაგან საქმეთა მინისტრის გიორგი მღებრიშვილის გადაწყვეტილებით, შს სამინისტროს რეგიონის პოლიციის დეპარტამენტებში სამინისტროს კუთვნილი 25 ახალი ავტომანქანა გადანაწილდა.

შსს–ს ინფორმაციით, მინისტრის პირველმა მოადგილემ ბესიკ ამირანაშვილმა ავტომანქანები რეგიონების პოლიციის დეპარტამენტების წარმომადგენლებს პირადად გადასცა. ბესიკ ამირანაშვილის თქმით, აღნიშნული გადაწყვეტილება სამინისტრომ რეგიონებში სამართლდამცველების სამსახურებრივი საჭიროებიდან გამომდინარე მიიღო.

„ახალი ავტომანქანები რთული რელიეფის მქონე ადგილებში, განსაკუთრებით, მაღალმთიან რეგიონებში, პოლიციელებს გადაადგილებას გაუადვილებს, მათ ოპერატიულ მუშაობას კიდევ უფრო ეფექტიანს გახდის და ხელს შეუწყობს საზოგადოებრივი მართლწესრიგის დაცვას“, – აცხადებენ საქართველოს შინაგან საქმეთა სამინისტროში.

[ნინო ნარიმანიშვილი, ახალციხე]