სამცხე–ჯავახეთის 49 სკოლაში სასწავლო პროცესი განახლდა

ახალციხის საგანმანათლებლო რესურსცენტრში განგვიმარტეს, რომ ყველა სკოლაში სწავლა ჩვეულ რეჟიმში მიმდინარეობს.

შეგახსენებთ, რომ სამცხე–ჯავახეთში სასწავლო პროცესი სამი დღით, 49 სკოლაში შეჩერდა. სასწავლო პროცესის შეჩერებული იყო სამცხე–ჯავახეთის შემდეგ საჯარო სკოლებში:

ახალციხის მუნიციპალიტეტი: ქალაქის N2 სკოლა და ასევე სოფლების: წნისის, ანდრიაწმინდის, გურკელის, საძელის და დიდი პამაჯის სკოლები;

ადიგენის მუნიციპალიტეტი: სოფლების დიდი სმადისა და ზარზმის საჯარო სკოლები;

ბორჯომის მუნიციპალიტეტი: სოფლების ბალანთისა და ანდეზიტის სკოლები;

ახალქალაქის მუნიციპალიტეტი: ქალაქის N1, N2, N4 და N5 საჯარო სკოლებში; ასევე სოფლების: ალასტანის, ბავრის, ბეჟანოს, გოკიოს, დადეშის, ვარევანის, ვაჩიანის, იხტილის, კარტიკამის, კუმურდოს, მერენიის, ოლავერდის, ორჯის, სულდის, ტურცხის, ჩუნჩხის, ხანდოს, მურჯახეთის, კარწახის, ალათუმანის, არაგვის, ქარცეფისა და ოკამის №2 საჯარო სკოლებში;

ნინოწმინდის მუნიციპალიტეტი: სოფლების: ეფრემოვკის, პატარა ხანჩალის, ჟდანოვის, სამების, სათხის, დიდი არაქალის, ოროჯალარის, დიდი გონდრიოს, კატნატუს, ეშტიის N1სკოლა, გორელოვკის N2 და N3 საჯარო სკოლები.

შეგახსენებთ, სკოლებში სასწავლო პროცესის შეჩერების გადაწყვეტილება, საქართველოს განათლებისა და მეცნიერების სამინისტრომ დაავადებათა კონტროლის ეროვნული ცენტრიდან მიღებული რეკომენდაციების საფუძველზე, გრიპის ვირუსის გავრცელების პრევენციისთვის მიიღო. სწავლა სამი დღით იმ სკოლებში შეჩერდა, სადაც გაცდენების მაჩვენებელი 20%-ს აღემატება. გაცდენილი საათები შაბათი დღეების ხარჯზე ანაზღაურდება.

27 იანვრის დილიდან სწავლა შეწყდა სამცხე–ჯავახეთის 35 საჯარო სკოლაში, შუადღეს ჩამონათვალს 4, დღის ბოლოს კი 9 სკოლა დაემატა. 28 იანვარს ამ ჩამონათვალს ბორჯომის კიდევ ერთი სკოლა დაემატა.

[ვარლამ წიკლაური, ახალციხე]