სამცხე–ჯავახეთის 35 სკოლაში სასწავლო პროცესი სამი დღით შეწყდა

აღნიშნულ სკოლებში სასწავლო პროცესის შეჩერების გადაწყვეტილება განათლებისა და მეცნიერების სამინისტრომ მიიღო.

„საზოგადოებრივი ზეგავლენის შემცირების მიზნით, დაავადებათა კონტროლის ეროვნული ცენტრიდან მიღებული რეკომენდაციების საფუძველზე საქართველოს განათლებისა და მეცნიერების სამინისტრომ მიიღო გადაწყვეტილება, მომდევნო სამი დღის განმავლობაში სასწავლო პორცესის შეჩერებაზე იმ კონკრეტულ დაწესებულებაში, სადაც გაცდენათა რაოდენობა აღემატება 20%-ს“, – ნათქვამია სამინისტროს განცხადებაში.

სასწავლო პროცესი 27, 28 და 29 იანვარს შეწყდება.

სამინისტროს ინფორმაციით, სამინისტრო აგროვებს ინფორმაციას მოსწავლეთა დასწრებაზე როგორც დილის, ასევე მეორე ცვლის მოსწავლეებთან დაკავშირებით. დასწრების მაჩვენებელი მეორე ცვლაში, რომელ პერიოდშიც ძირითადად დაწყებითი კლასების მოსწავლეები სწავლობენ, რიგ სკოლებში 20%-იან ნორმას აჭარბებს. მთელი საქართველოს მასშტაბით, ასეთი 180 საჯარო სკოლაა.

[თინათინ ზაზაძე, ახალციხე]