უამინდობის გამო ნინოწმინდის ორ სკოლაში სწავლა შეჩერებულია

ამ დროისთვის სასწავლო პროცესი არ მიმდინარეობს ნინოწმინდის სოფლების, კათნატუსა და ჟდანოვაკანის საჯარო სკოლებში. საქართველოს მასშტაბით კი სწავლა დროებით ექვს სკოლაშია შეჩერებული, ამბროლაურში, სოფელ პატარა ონის სკოლაში, ნინოწმინდის ორ სკოლაში და ასევე ხელვაჩურის სოფლებში - გორა, მახო, ზედა ახალშენი.

გარდა უამინდობისა, ზოგ სკოლაში სწავლა შეჩერებულია გაცდენების გამო. ჯანდაცვის სამინისტროსთან რეკომენდაციით, სკოლებში სწავლის შეწყვეტის თაობაზე გადაწყვეტილება ინდივიდუალურად, თითოეული სკოლის საჭიროებიდან გამომდინარე მიიღება. კერძოდ, იმ სკოლებში, სადაც გაცდენებმა 20%-ს გადააჭარბა, სწავლა სამი დღით წყდება. ასეთი, საქართველოს მასშტაბით, ხუთი სკოლაა: თბილისის 74-ე საჯარო სკოლა, თელავის მე-5 საჯარო სკოლა და თიანეთის სამი სკოლა - სსიპ სოფელ ახალსოფლის საჯარო სკოლა, ღულელების საჯარო სკოლა, სსიპ-ტუშურების საჯარო სკოლა.

ანუ, 14 დეკემბრის მდგომარეობით, საქართველოს მასშტაბით, უამინდობის გამო სწავლა შეწყვეტილია ექვს სკოლაში, გაცდნების გამო კი ხუთ სკოლაში.

[sknews.ge]