სახალხო დამცველის წარმომადგენლის შეხვედრა "სამხრეთის კარიბჭეს" ჟურნალისტებთან

"რეაგირების გარეშე არ უნდა დარჩეს არცერთი უფლებადარღვევის ფაქტი“, - ასე დაიწყო ჟურნალისტებთან საუბარი საქართველოს სახალხო დამცველის საკონტაქტო პირმა სამცხე-ჯავახეთის რეგიონში, გულო კოხოძემ.

შეხვედრა საინფორმაციო ხასიათის იყო და საუბარი საქართველოს სახალხო დამცველის, როგორც ძლიერი კონსტიტუციური ინსტიტუტის როლსაც შეეხო.

საკონტაქტო პირმა, ასევე ისაუბრა სახალხო დამცველის აპარატის მანდატზე, საქმიანობის დამოუკიდებლობასა და საგანმანათლებლო პროგრამებზეც.

სამცხე-ჯავახეთის რეგიონი ეთნიკური და რელიგიური მრავალფეროვნებით გამოირჩევა, ამიტომაც საქართველოს სახალხო დამცველის საკონტაქტო პირი სამცხე-ჯავახეთის რეგიონში, მედიასთან ერთად, ამ მხრივ დიდი გამოწვევის წინაშე დგას.

შეხვედრა ,,სამხრეთის კარიბჭეს“ ოფისში გაიმართა.

გულო კოხოძე მსგავს შეხვედრებს რეგიონში მომუშავე სხვა მედია საშუალებებთანაც გეგმავს.

[sknews.ge]