ჭელას სახალხო დამცველის აპარატის წარმომადგენლები სტუმრობენ

დღეს, 29 ნოემბერს, სახალხო დამცველის აპარატის წარმომადგენლები ჭელაში მცხოვრებ მუსლიმებს შეხვდნენ. სოფელში ვითარების გასაცნობად მართლმსაჯულების დეპარტამენტის უფროსის მოადგილე გიორგი გარსევანიშვილი და ამავე დეპარტამენტის სპეციალისტი ნინო სულამანიძე ჩავიდნენ.

„მაისიდან, ანუ მას შემდეგ, რაც ჭელაში მინარეთის გამო ცოტა ვითარება დაიძაბა, მონიტორინგს ვახორციელებთ“, - ამბობს გარსევანიშვილი და ამატებს, რომ მომხდარს სახალხო დამცველის აპარატი მის მიერ მომზადებულ დასკვნაში შეაფასებს.

გარსევანიშვილის განცხადებით, ჭელაში სიმშვიდეა და დღეს ადგილობრივ მუსლიმებს, ჩვეულებრივ, ლოცვის საშუალება მიეცათ: „არანაირ ექსცესს ადგილი არ ჰქონია“.

[SKnews.ge]