სახალხო დამცველის წარმომადგენლებმა ახალციხეში შეხვედრა გამართეს

შეხვედრას ახალციხის მუნიციპალიტეტის, სამხარეო ადმინისტრაციისა და ქალაქ ახალციხის მუნიციპალიტეტის წარმომადგენლები ესწრებოდნენ.

მათ დასაქმების ადგილზე და საჯარო სივრცეში სექსუალური შევიწროების თემაზე ისაუბრეს. ასევე, ყურადღება გამახვილდა საქართველოში არსებულ პრაქტიკაზე, გამოწვევებსა და სექსუალური შევიწროების დაფარულ ფორმებზე. შეხვედრის მონაწილეებს შესაძლებლობა ჰქონდათ სიღრმისეულად გაცნობოდნენ სექსუალური შევიწროების დეფინიციას, ესაუბრათ პრობლემის შესაძლო მიზეზებსა და შედეგებზე. გაეგოთ ამ მიმართულებით სახალხო დამცველის გამოცდილება და პრაქტიკაში არსებული შემთხვევები.

აგრეთვე, დიდი დრო დაეთმო საქართველოს სახალხო დამცველისა და გაეროს ქალთა ორგანიზაციის თანამშრომლობით შექმნილი სექსუალური შევიწროების შესახებ ელექტრონული კურსის გაცნობას.

საქართველოს სახალხო დამცველის გენდერული თანასწორობის დეპარტამენტი აქტიურად განაგრძობს საქართველოს რეგიონებში ქალთა უფლებებისა და გენდერული თანასწორობის მიმართულებით მოსახლების ცნობიერების ამაღლებაზე მუშაობას.

[sknew.ge]