ახალციხის ბაღებში რვა ექთანს ამატებენ

ახალციხის საბავშვო ბაღებში რვა ექთანი მუშაობს და რვას კიდევ ამატებენ.

„ბაღებში სწავლას 08:30 საათზე ვიწყებთ და 18:30 წუთზე ვამთავრებთ, რადგან ექთნებს 10 –საათიანი სამუშაო განრიგი გამოსდიოდათ, ამიტომ მეორე ცვლის ექთნებს დავამატებთ“, – ამბობს ახალციხის სკოლამდელი აღზრდის დაწესებულებათა გაერთიანების ხელმძღვანელი ნანა ბერიძე.

მისი თქმით, მეორე ცვლის ექთნები 15:00–დან 18:00 საათამდე იმუშავებენ და ხელფასს 88 ლარს აიღებენ, რაც შეეხება პირველი ცვლის ექთნებს, ისინი 08:30–დან 15:00 საათამდე იმუშავებენ და მათი ხელფასი 160 ლარია.

ახალციხის რვა ბაღში, ჯამში 16 ექთანი იმუშავებს.

შეგახსენებთ, რომ ქალაქ ახალციხისა და თემის ბაგა–ბაღებში ექთნის შტატი 2014 წლის 4 მარტიდან აღდგა.

[თინათინ ზაზაძე, ახალციხე]