ახალციხეში საახალწლო კონცერტი გაიმართა[Photo]

ახალციხის ცენტრალურ პარკში საახალწლო კონცერტი 22:00 საათზე, ქართული ესტრადის ვარსკვლავების: ნატო გელაშვილის, ნუკრი კაპანაძის, „თბილისური კვარტეტი“–ს, ტრიო „სიმი“–სA და სხვების მონაწილეობით გაიმართა.

მომღერლებმა ახალციხელებს ახალი წელი მიულოცეს და მათთვის ნაცნობი სიმღერები შეასრულეს.

„გილოცავთ ახალ წელს. ახალციხელებისგან ისეთი სითბო და სიყვარული ვიგრძენი, შემიძლია დილამდე ვიმღერო“, – აღნიშნა მომღერალმა ნუკრი კაპანაძემ და დაამატა, რომ სამომავლოდ ახალციხეს კვლავ ესტუმრება.

ახალციხის ცენტრალურ პარკში საახალწლო კონცერტი ორ საათს გაგრძელდა. კონცერტის დასასრულს ქალაქის მერმა, გიორგი კოპაძემ ახალციხელებს ახალი წლის დადგომა მიულოცა და მადლობა გადაუხადა მომღერლებს ახალციხეში ჩამოსვლისთვის.

შეგახსნებთ, რომ საახალწლო კონცერტი საქართველოს კულტურის სამინისტროს ორგანიზებით მოეწყო.

კონცერტი ფოიერვერკით დასრულდა.

















[ვარლამ წიკლაური, ახალციხე]