გარემოსდაცვითი ჯგუფი საკურორტო ტყეების შესწავლას იწყებს

OECI–ის სამცხე–ჯავახეთის რეგიონულმა საკოორდინაციო ჯგუფმა პირველი სამუშაო შეხვედრა დაბა ბაკურიანში უკვა გამართა. პირველი საველე გასვლა კი ცხრაწყაროს უღელტეხილის ტერიტორიაზე შედგა.

OECI–ის სამცხე–ჯავახეთის კოორდინატორის, ხათუნა ხმალაძის განცხადებით, საკურორტო ტყეებში მდგომარეობა ერთი შეხედვითაც ძალიან მძიმეა და ხელისუფლების მხრიდან სასწრაფო რეაგირებას მოითხოვს. თუმცა, საბოლოო დასკვნა სპეციალისტებმა უნდა გააკეთონ: „სამეცნიერო ექსპედიცია უახლოეს დღეებში დაიგეგმება და მასში სატყეო სფეროს ექსპერტებთან ერთად ხელისუფლება და საზოგადოებაც ჩაერთვება, ექსპედიციის დასვნები და რეკომენდაციები კი ხელისუფლებასთან დიალოგის საგანი გახდება”.

მისივე თქმით, შემუშავებულია კითხვარიც, რომელიც ითვალისწინებს ინფორმაციის მოპოვებას საკურორტო ტყეების მართვის სისტემაში არსებულ პრობლემებთან და კანონმდებლობაში არსებულ ხარვეზებთან დაკავშირებით.

ღია გარემოსდაცვითი სამოქალაქო ინიციატივა ავსტრიის განვითარების სააგენტოს ფინანსური მხარდაჭერით საქართველოს 7 რეგიონში ხორციელდება.

[ნინო ნარიმანიშვილი, ახალციხე]