თვითმმართველობამ ახალციხელი სახალხო მთქმელის ლექსების კრებული გამოსცა

სახალხო მთქმელის და პოეტის ავტორობით წიგნი „დამილოცეთ საქართველო“ 120 ეგზემპლარად გამოიცა. ახალციხის მუნიციპალიტეტის გამგეობამ კრებულის დასაბეჭდად 550 ლარი გამოყო.

„დიდი ხნით ადრე მქონდა გამზადებული, თუმცა ვერ მოხერხდა სპონსორის შოვნა. ახლა კი თვითმმართველობის დახმარებით წიგნი გამოიცა“, – ამბობს ავტორი.

მისივე თქმით, კრებული მცირე ტირაჟით გამოვიდა. უახლოეს მომავალში იგივე სახელწოდებით აპირებს წიგნის დაბეჭვდას და მასში ახალ ლექსებსაც დაამატებს: “ყველას არ ყოფნის, ვინც ნაცნობ–მეგობრები მყავს. არცერთი წიგნი არ გაიყიდება, დაურიგდება მოსახლეობას. მეორე ეტაპზე დახმარებას ახალციხის მერი გიორგი კოპაძე დაგვპირდა“.

წიგნის პრეზენტაციაზე იმღერეს ვასილ კვინცხაძის ლექსზე დაწერილი სიმღერები, რომელიც ადგილობრივმა გუნდმა „მესხეთმა“ შესრულა. პრეზენტაციას თვითმმართველობისა და სამხარეო ადმინიტრაციის წარმომადგენლები ესწრებოდნენ.

„დამილოცეთ საქართველოს“ პირველი ნაწილი1997 წელს გამოიცა.

„ლექსების უმრავლესობა პატრიოტიზმის მოტივზეა შექმნილი. რასაკვირველია აქ არის ლირიკაც და სატრფიალოც. მანამდე ჩემი ლექსები სხვადასხვა გამომცემლობებში იბეჭდებოდა. 2017 წელს 80 წელი მისრულდება, ქორწინებიდან კი 50 წელი და ვაპირებ წიგნის გამოცემას, რომელსაც ექრმევა „გამოუქვეყნებელი, დაუბეჭდავი ლექსები“, – ამბობს ვასილ კვინცხაძე.

[თიინათინ ზაზაძე, ახალციხე]