ახალციხის მერია ვიზალიბერალიზაციას გამოეხმაურა [Photo]

ახალციხის მერიის კულტურის სამსახურის ინიციატივით, ადმინისტაციული შენობის წინ ევროკავშირის წევრი 28 ქვეყნის დროშა მერიის თანამშრომლებმა და ახალგაზრდული საბჭოს წევრებმა გამოფინეს. ამით მერია ევროკავშირთან ვიზალიბერალიზაციის პროცესს გამოეხმაურა.

„ვიზალიბერალიზაციასთან დაკავშირებით დროშის აღმართვით შეუერთდით ჩვენ ამ სიხარულს. ეს ჩვენი ქვეყნისთვის ძალიან მნიშვნელოვანია, ამით ბევრი რამ შეიცვლება. ჩვენ რაც შეგვეძლო, ის გავაკეთეთ, ეს დროშა ჩვენი შენობის წინ იფრიალებს“, – განაცხადა, ქალაქის მერმა გიორგი კოპაძემ.

დროშის აღმართვის ცერემონიაში ახალციხის მერიის თანამშრომლებთან ერთად, ახალგაზრდული საკრებულოს წევრებიც ჩაერთვნენ.

შეგახსენებთ, 18 დეკემბერს ევროკომისიამ ვიზალიბერალიზაციასთან დაკავშირებით საქართველოს შესახებ პოზიტიური ანგარიში გამოაქვეყნა. საქართველოს რამდენიმე ქალაქში ანგარიშის გამოქვეყნება იმავე საღამოს აღნიშნეს ქალაქის ძირითადი შენობების ევროკავშირის დროშის ფერებში განათებით.

















[ვარლამ წიკლაური, ახალციხე]