ახალციხელი სპორტსმენების გამარჯვება ჩეხეთში

ევროპის საკლუბო ჩემპიონატში, რომლიც ჩეხეთში 12 დეკემბერს გაიმართა, 18 ქვეყანა მონაწილეობდა. საქართველოდან ჩემპიონატში 10 სპორტსმენი იღებდა მონაწილეობას, ამათგან ხუთი ახალციხელი.

სპორტის სახეობაში „კარატე დო შიტორიუ“ პირველი ადგილი ანზორ დარბაიძემ და ბექა გელაშვილმა მოიპოვეს, მეორე ადგილი შალვა სუდაძეს, მესამე კი გიორგი ივანიძეს ერგოთ.

ახალციხელი სპორტსმენები ჩეხეთში სამცხე–ჯავახეთის მხარეში კლუბ „საფარის“ პრეზიდენტმა მამუკა ზუმბაძემ წაიყვანა.

„ჩემპიონაზე მონაწილეობა მეც მივიღე და მესამე ადგილი დავიკავე ფეხის დარტყმაში, რომლსაც „სუპერ კიკი“ ქვია“, – ამბობს მამუკა ზუმბაძე.

ჯამში საქართველომ ჩემპიონატზე 21 მედალი აიღო. 8 ოქრო, 7 ვერცხლი და დანარჩენი ბრინჯაო.



[თინათინ ზაზაძე, ახალციხე]