ახალციხელებმა შიტორიო კარატე დოს ჩემპიონატზე 17 მედალი მიიღეს

საქართველოს კარატე– დოს შიტო–კაის ასოციაციის მესამე ჩემპიონატი ბოლნისში 10 მაისს გაიმართა. ახალციხიდან ჩემპიონატში მონაწილეობას 22 სპორტსმენი იღებდა. შვიდიდან 17 წლამდე ასაკის მონაწილეებმა პირველი, მეორე და მესამე ადგილები დაიკავეს.

„ხუთი პირველი ადგილი ავიღეთ, დანარჩენები მეორე და მესამე ადგიზლე გავიდნენ. რამდენიმემ ორი მედალიც მიიღო. ვითამაშეთ ზუგდიდის, ბოლნისისა და კახეთის გუნდების წინააღმდეგ“, – ამბობს სამცხე–ჯავახეთში კლუბ „საფარას“ ხელმძღვანელი შიტორიო კარატე დოში მამუკა ზუმბაძე.
პირველ ადგილზე გასულებს შორის ერთ–ერთი ანზორ დარბაიძეა.

„რთული ბროძლები იყო, მე ორი ბრძოლა ჩავატარე. ვფიქრობ კარგი სანახაობაც და შედეგიც ვაჩვენეთ“, – ამბობს იგი.

[თამუნა უჩიძე, ახალციხე]