4 ოქრო, 2 ვერცხლი და 2 ბრინჯაო - ახალციხელი მძლეოსნების წარმატება

ფოტო: არქივი

ჩემპიონატი 1-2 თებერვალს გაიმართა.

პირველი ადგილი და ოქროს მედლები აიღეს: მინდია ენდელაძემ (200 მეტრზე გარბენი), გაიანე უსტიანმა (800 და 1500 მეტრზე გარბენი) და მარიამ კაპანაძემ (3 000 მეტრზე გარბენი).

ვერცხლის მედლები მოიპოვეს ვლადიმერ შუშანიანმა (800 მეტრზე გარბენი) და ირინა მიკირტიუკმა (სამმაგი ხტომა).

ამჯერად ბრინჯაოს მედალს დასჯერდნენ შალვა ლეკიშვილი (60 მეტრზე გარბენი) და ბერენიკ არზუმანიანი (300 მეტრზე გარბენი).

„სეზონის გახსნაა, პირველი შეჯიბრი იყო, კარგი შედეგებია. ერთ კვირაში ეროვნული ჩემპიონატია და იქაც ვიღებ მონაწილეობას“, - ამბობს მძლეოსანთა კლუბის დირექტორი ზიგმუნდ ზილბერშტეინი.

[მარიამ ბარძიმაძე, ახალციხე]