ახალციხელი კარატისტი 2016 წლის საუკეთესო სპორტსმენი გახდა

კარატეს ღია ჩემპიონატი თბილისში, 30 დეკემბერს გაიმართა. ანზორ დარბაიძემ სამი მოწინააღმდეგე, მათ შორის საქართველოს ჩემპიონი დაამარცხა და ქულათა რაოდენობით პირველი ადგილი მოიპოვა. მას თასი, მედალი და დიპლომი გადაეცა.

„ნამდვილად ძლიერი კონკურენტები გვყავდნენ. საქართველოს ჩემპიონთან და სხვა წარმატებულ კარატისტებთან მომიწია შეხვედრა“, -ამბობს ანზორ დარბაიძე.

Open Tbilisi 2016–ის ღია ჩემპიონატში საქართველოს, სომხეთისა და აზერბაიჯანის სპორტსმენები მონაწილეობდნენ. ჩემპიონატში გამარჯვებამ ახალციხელ სპორტსმენს შეასაძლოა ბულგარეთში, ევროპის ჩემპიონატის საგზური მოუტანოს. ანზორ დარბაიძე, 15 იანვარს, ევროპის ჩემპიონატის შესარჩევ ტურნირშია მიწვეული, სადაც საქართველოს კარატისტთა ნაკრები უნდა შეარჩიონ.

„მედი გვაქვს, რომ ევროპის ჩემპიონატის მონაწილეები გავხდებით და ეს წარმატებები გზას გაგვიხსნის, უკვე 2020 წლის ოლიმპიადის მონაწილეები ვიყოთ“, -ამბობს კლუბ „საფარას“ პრეზიდენტი, ანზორ დარბაიძის მწვრთნელი მამუკა ზუმბაძე.

[ლუბა გიორგაძე, ახალციხე]