ახალციხეში ‘ქართული ოცნების’ პარტიული ყრილობა ჩატარდება

შეხვედრა მესხეთის დრამატული თეატრის დარბაზში, 17:00 საათზე დაიწყება. პრტიულ ყრილობას წინასწარ შერჩეული 220 დელეგატი და მოწვეული სტუმრები დაესწრებიან.

ახალციხის მერის გიორგი კოპაძის განმარტებით, კონფერენციაზე შესვლა ჟურნალისტებს მხოლოდ რამდენიმე წუთით შეეძლებათ: „თქვენ შეგიძლიათ შეხვედრის შესავალს დაესწროთ და კადრები აიღოთ“.

მისი თქმით, დღევანდელ კონფერენციაზე დელეგატები რაიონული ორგანიზაციის თავმჯდომარეს და ბიუროს წევრებს აირჩევენ.
შეგახსენებთ, რომ „ქართულმა ოცნებამ“ რაიონული ორგანიზაციის თავმჯდომარეები ბორჯომში, ადიგენსა და ასპინძაში გასული წლის 10 დეკემბერს აირჩია.

ბორჯომსა და ადიგენში რაიონული ორგანიზაციის თავმჯდომარეებად მუნიციპალიტეტის პირველი პირები: დიმიტრი ყიფიანი და ზაქარია ენდელაძე აირჩიეს, ასპინძაში კი საკრებულოს თავმჯდომარე მამუკა მელიქიძე.

[თინათინ ზაზაძე, ახალციხე]