ასპინძაში ”ოცნების” რაიონული ორგანიზაციის თავმჯდომარის დანიშვნას აპროტესტებენ

საპროტესტო აქცია ასპინძაში დილის 11 საათზე დაიწყო და ამ დრომდე გრძელდება.

”გვაინტერესებს რისთვის ვიბრძოდით, ჩვენ არაფერს გვეკითხებიან , ჩამოიყვანეს თბილისიდან პიროვნება რომლესაც არ ვიცნობთ და ის უნდა აირჩიონ. ჩვენ ამას არ დავუშვებთ, აქ კარგი არაფერი მოხდება. ჩვენ გვინდა ადგილობრივი კადრი, გიორგი ზედგინიძე სხვას არ მოვუშვებთ”,-აცხადებს ოცნების” აქტივისტი მარლენ მელიქიძე.

”ოცნების” აქტივისტების ნაწილი მხარს მამუკა მელიქიძეს უჭერს. მათი თქმით, მელიქიძე სათაო ოფისის მიერ არის წარდგენილი.

”ჩემი კანდიდატურა პოლიტიკურმა საბჭომ გადაწყვიტა. ჩემი არჩევა დღეს იყო დაგეგმილი, თუმცა სიტუაციიდან გამომდინარე გადაიდო. რაც შეეხება აქციის მონაწილეებს ვერ გეტყვით რა უნდათ. თავიანთი კანდიდატურის წამოყენება უნდათ, თუმცა პარტიის წევრები არიან”,-ამბობს მამუკა მელიქიძე.

აქციის მონაწილეების განცხადებით, მანამდე არ დაიშლებიან, ვიდრე მათი მოთხოვნები არ დაკმაყოფილდება. დღის ორი საათისთვის დაგეგმილი პარტიის დამფუძნებელი ყრილობა ამ დრომდე არ ჩატარებულა.

ასპინძაში განვითარებული მოვლენების შესახებ ვრცლად ”სამხრეთის კარიბჭე” მოგვიანებით შემოგთავაზებთ.

[თინათინ ზაზაძე, ასპინძა]