„ტოლერანტობის, სამოქალაქო ცნობიერებისა და ინტეგრაციის მხარდაჭერის“ ახალი პროგრამა დაიწყო

„ტოლერანტობის, სამოქალაქო ცნობიერებისა და ინტეგრაციის მხარდაჭერის პროგრამას“ არასამთავრობო ორგანიზაცია „დემოკრატ მესხთა კავშირი“ გაეროს ასოციაციის (UNAG) მიერ აშშ-ს საერთაშორისო განვითარების სააგენტოს (USAID) ფინანსური მხარდაჭერით ახორციელებს.

„პროგრამა ითვალისწინებს ისეთი აქტივობების განხორციელებას, რომელიც ხელს შეუწყობს საქართველოში სამოქალაქო ჩართულობის, აქტივიზმის, მრავალფეროვნების კულტურის დანერგვას და ამ მხრივ გაძლიერებას“, – განმარტავს პროგრამის მონაწილე ანა მურადაშვილი.

აღნიშნული პროგრამა ხუთწლიანია და საქართველოს 13 ქალაქში ხორციელდება, მათ შორის ახალციხეში. პროგრამაში ჩართული არიან 18–დან 25 წლამდე ასაკის ახალგაზრდები.

„თითოეულ ქალაქს ექნება ერთმანეთთან ურთიერთობა, იქნება გაცვლითი პროგრამები, სხვადასხვა საერთო ღონისძიებები, ამ ყველაფრის მიზანია ხელი შეუწყოს ინტეგრაციის გაძლიერებას რეგიონებში“, – ამბობს ანა მურადაშვილი.

[თამარ თოთაძე, ახალციხე]