ზურა დოიჯაშვილი: ოპერაციის შემდეგ პირველ კონცერტს ახალციხეში ვატარებ

მესხეთის დრამატულ თეატრში კონცერტი 17:00 საათზე ადგილობრივი ფოლკლორული ანსამბლის „მესხეთის“ სიმღერით გაიხსნა.

„მინდა ყველა ახალციხელს მოვეფერო. დიდი ხანია სცენაზე არ გამოვჩენილვარ. ოპერაციის შემდეგ პირველ კონცერტს აქ ვატარებ. დღეს ახალციხელ მაყურებელს ჩემს 12 სიმღერას შევთავაზებ“, – ამბობს ზურა დოიჯაშვილი.

ღონისძიება, ქალაქ ახალციხის მუნიციპალიტეტის მერიის კულტურის სამსახურის ორგანიზებით ტარდება. კონცერტისთვის 9400 ლარი დაიხარჯა.

„ჩვენს მიერ გამოცხადებულ ტენდერში ამ ჯგუფმა გაიმარჯვა. ძალიან მიხარია, რადგან ზურას და მის შემოქმედებას ძალიან დიდ პატივს ვცემ. ჩვენი მოსახლეობა კონცერტისგან დიდ სიამოვნებას მიიღებს“,– ამბობს ახალციხის მერი გიორგი კოპაძე.

დღევანდელი საღამო საათნახევარი გაგრძელდება.




[თინათინ ზაზაძე, ახალციხე]