9400 ლარი კონცერტისთვის

ზურა დოიჯაშვილი და მისი მეგობრები, ქუჩის ბიჭები, ეკა თევზაძე და სხვები, – მერიის კულტურის სამსახური 2015 წლის ბოლოს მასშტაბურ კონცერტს გეგმავს. კონცერტისთვის 9 400 ლარია გამოყოფილი.

„ეს კონცერტი მოსახლეობისთვის საჩუქარი იქნება“, – აცხადებს ახალციხის მერის მოადგილე ზაზა თამარაშვილი და ამატებს, რომ კონცერტი უფასო იქნება.

მისი თქმით, კონცერტი, რომლის თარიღიც რამდენიმე დღეში გახდება ცნობილი, 2015 წლის ბოლო, მასშტაბური ღონისძიებაა.

გარდა ამისა, მერიის კულტურის სამსახური კიდევ ერთ ღონისძიებას საახალწლოდ გეგმავს.

ცნობისთვის, ახალციხის მერიის კულტურის სამსახურმა, კულტურულ ღონიძიებებში 2015 წლის იანვრიდან–აგვისტომდე, 55,000 ლარი დახარჯა. აქედან, ყველაზე მეტი თანხა, 32, 848 ლარი ივნისის თვეში აქვს დახარჯული.

[ვარლამ წიკლაური, ახალციხე]