ახალციხეში ზურა დოიჯაშვილის და მისი მეგობრების კონცერტი ჩატარდება

კონცერტში მონაწილეობას ქართული ესტრადის მომღერლები:ზურა დოიჯაშვილი, ქუჩის ბიჭები,ტატო გოდერძიშვილი, ეკა თევზაძე და ზურაბ კობეშავიძე მიიღებენ. დასწრება თავისუფალია.

აღნიშნული ღონისძიება, ქალაქ ახალციხის მუნიციპალიტეტის მერიის კულტურის სამსახურის ორგანიზებით ჩატარდება, რისთვისაც 9400 ლარი დაიხარჯება.

„ეს კონცერტი მოსახლეობისთვის საჩუქარი იქნება“, – აცხადებს ახალციხის მერის მოადგილე ზაზა თამარაშვილი.

გარდა ამისა, მერიის კულტურის სამსახური კიდევ ერთ ღონისძიებას საახალწლოდ გეგმავს.

ცნობისთვის, ახალციხის მერიის კულტურის სამსახურმა, კულტურულ ღონიძიებებში 2015 წლის იანვრიდან–აგვისტომდე, 55,000 ლარი დახარჯა. აქედან, ყველაზე მეტი თანხა, 32, 848 ლარი ივნისის თვეში აქვს დახარჯული.

[sknews.ge]