სად იყიდით ბილეთებს 'ერისიონის'კონცერტისთვის

ქართული ხალხური სიმღერისა და ცეკვის სახელმწიფო ანსამბლი'ერისიონი' ახალციხეს 18 მაისს ეწვევა. ტურნეს ფარგლებში ანსამბლი კონცერტს მესხეთის სახელმწიფო თეატრში გამართავს. კონცერტი 19:00 საათზე დაიწყება. ბილეთის ღირებულება კი 15 ლარია.

როგორც "სამხრეთის კარიბჭემ" გაარკვია, მსურველებს კონცერტზე დასასწრებად ბილეთების შეძენა მესხეთის თეატრის სალაროში შეუძლიათ. თეატრის დარბაზში 500–მდე სტუმარი ეტევა და ამ დროისთვის გასაყიდი 100 ბილეთია დარჩენილი.

„18 მაისს ჯემალ ჭკუასელს 82 წელი უსრულდება.ეს არის საიუბილეო საღამო–კონცერტი, რომელიც 2.5 საათის განმავლობაში გაგრძელდება. საღამოს დაესწრება ფრიდონ სულაბერიძე და მისი თაობის ხელოვანები“, – განაცხადა მესხეთის თეატრის წარმომადგენელმა შალვა ტაბატაძემ.

[თინათინ ზაზაძე, ახალციხე]