„ნაციონალურ მოძრაობას“ კონკრეტული თავმჯდომარე არ ეყოლება

„ნაციონალური მოძრაობის“ ერთ-ერთი ლიდერის დავით ბაქრაძის განცხადებით, მას შემდეგ, რაც პარტიის თავმჯდომარე მიხეილ სააკაშვილს საქართველოს მოქალაქეობა ჩამოერთვა, ის ვეღარ გააგრძელებს პოლიტიკურ საქმიანობას ქვეყანაში, შესაბამისად ვერ დარჩება პარტიის თავმჯდომარედ.

„ის, რომ პოლიტიკური დევნის შედეგად მოხდა საქართველოს ყოფილი პრეზიდენტის პრაქტიკულად მთლიანი იზოლირება ქართული პოლიტიკური და სამართლებრივი სივრციდან, ქვეყნისთვის არის ცალსახად ცუდი და ხელისუფლებისთვის სამარცხვინო. მაგრამ, რაც შეხება საკითხის სამართლებრივ მხარეს, ჩვენ, როგორც პარტია და როგორც პოლიტიკოსები, ვემორჩილებით კანონს, ვემორჩილებით მიღებულ გადაწყვეტილებებს. შესაბამისად, გუშინდელი დღის შემდეგ მიხეილ სააკაშვილი აღარ გახლავთ ნაციონალური მოძრაობის თავჯდომარე", – განაცხდა დავით ბაქრაძემ.

მისივე თქმით, 3 წელია პარტია გადასულია გუნდურ მართველობაზე არსებობს პოლიტიკური საბჭო, პოლიტსაბჭოს თავჯდომარე და გენერალური მდივანი, და სწორედ ეს სტრუქტურები იღებს გადაწყვეტილებას პარტიაში. ამიტომ არანაირი საჭიროება და მიზანშეწონილობა არ არსებობს ახალი თავჯდომარის არჩევის: "პარტია გააგრძელებს გუნდურ მართვას, პარტიას მართავს პოლიტსაბჭო და გუნდურად, ერთიანად, ერთად ჩვენ აუცილებად შევასრულებთ მთავარ ამოცანას და 2016 წლის არჩევნებით დავამარცხებთ და სახლში გავუშვებთ ამ ხელისფლებას".

ნუგზარ წიკლაურის თქმით, მიხეილ სააკაშვილი პარტიის უპირობო ლიდერად რჩება: "ნებისმიერი მცდელობა, იქნება ეს სამართლებრივი თუ სხვა სახის ძალადობა, ვერავითარ შემთხვევაში ვერ შეძლებს "ნაციონალური მოძრაობისა" და მიხეილ სააკაშვილს შორის კავშირის გაწყვეტას".

შეგახსენებთ, 4 დეკემბრიდან საქართველოს ყოფილ პრეზიდენტს მიხეილ სააკაშვილს საქართველოს მოქალაქეობა შეუწყდა. შესაბამისი ბრძანებულება საქართველოს პრეზიდენტმა გიორგი მარგველაშვილმა გამოსცა. ექსპრეზიდენტს მოქალაქეობა იმის გამო შეუწყდა, რომ მას აქვს უკრაინის მოქალაქეობა. საქართველოს კანონმდებლობის შესაბამისა კი, საქართველოს მოქალაქე არ შეიძლება იყოს სხვა ქვეყნის მოქალაქე.

[ნინო ნარიმანიშვილი, ახალციხე]