'ნაციონალური მოძრაობის' თავმჯდომარედ გრიგოლ ვაშაძე აირჩიეს

ხმის მიცემა ელექტრონულ რეჟიმში მიმდინარეობდა და ვაშაძე ერთადერთი კანდიდატი იყო. ვაშაძეს ხმა 364-მა ადამიანმა მისცა, მოწინააღდეგე კი ერთი იყო.

პარტიის დამაარსებლის, ექსპრეზიდენტ მიხეილ სააკაშვილის განცხადებით, ნაციონალურ მოძრაობას სჭირდება მოქნილი სტრუქტურა და ვაშაძის არჩევა სწორი გადაწყვეტილებაა.

"მე მაიძულეს, მე არ მიშვებენ ჩემს ქვეყანაში, ჩვენი სხვა ლიდერები ციხეში არიან, დანარჩენები რეპრესიების და ზეწოლის ქვეშ...დიდი მადლობა იმისთვის, რომ საპატიო თავმჯდომარედ ხელახლა მირჩევს, მაგრამ პარტიას ჭირდება თავმჯდომარე, ჭირდება წარმომადენლობა, მითუმეტეს გია ვაშაძე", — განაცხადა სააკაშვილმა ყრილობაზე ვიდეოზარით ჩართვის დროს.

ამ დრომდე ნაციონალურ მოძრაობას პარტიის თავმჯდომარე არ ჰყავდა. მიხეილ სააკაშვილს პარტიის საპატიო თავმჯდომარის თანამდებობა ეკავა. რაც შეეხება პარტიის პოლიტსაბჭოს, მისი თავმჯდომარე ნიკა მელიაა.

გრიგოლ ვაშაძე ნაციონალური მოძრაობის მმართველობის დროს კულტურისა და ძეგლთა დაცვის მინისტრისა და საგარეო საქმეთა მინისტრის თანამდებობებს იკავებდა. 2017 წლიდან კი ის ნაციონალური მოძრაობის პოლიტიკური საბჭოს წევრია