უკრაინის სასამართლომ მიხეილ სააკაშვილი გაათავისუფლა

სააკაშვილის სასამართლო სხდომას ესწრებოდა მისი მეუღლე სანდრა რულოვსი, ასევე, უკრაინის ოპოზიციური ძალების ლიდერები, მათ შორის უკრაინის ყოფილი პრემიერ-მინისტრი იულია ტიმოშენკო. უკრაინის უმაღლესი რადის 10 დეპუტატი სასამართლოს წინაშე თავდებში დაუდგა მიხეილ სააკაშვილს.

სასამართლო სხდომის დასრულების შემდეგ მიხეილ სააკაშვილმა განაცხადა, რომ უკრაინაში ბრძოლის გაგრძელებას გეგმავს.

„ერღვევათ სისტემა. ამათთვის [უკრაინის ხელისუფლებისთვის] ახლა სასიცოცხლოდ მნიშვნელოვანი იყო სახლში ჩავეკეტე და გარეთ არ გამოვეშვი. შიძლება სახურავიდანაც მომეწყო მიტინგები, მაგრამ ახლა ეს არ არის მთავარი. უნდა ვიმოძრაოთ ქვეყანაში, უნდა ვიმუშაოთ. მოსამართლემ, მიუხედავად ზეწოლისა პირადად პრეზიდენტისგან, მიიღო სრულიად საპირისპირო გადაწყვეტილება. დღეს მთელი უკრაინის პოლიტიკური სპექტრი იყო აქ. აქ იყო უკრაინის მომავალი პრეზიდენტი, მომავალი მინისტრები და ა.შ. ყველა დაგვიდგა გვერდზე. გუშინ ჩემი და საკუთარი თავის მხარდასაჭერად შეიკრიბა ათეული ათასი ადამიანი. ეს კარგი შანსია მოვახდინოთ ამ ხალხის კონსოლიდაცია და გავიმარჯვოთ. უკრაინაში ჩვენ აუცილებლად უნდა გავიმარჯვოთ იმისათვის, რომ საქართველო დარჩეს გამარჯვებული“, - განაცხადა სააკაშვილმა „რუსთავი 2“-თან საუბარში.

[sknews.ge]