ახალციხეში საქველმოქმედო კონცერტი ჩატარდება

„ბესო კალანდაძე და მეგობრები“ – ასე ჰქვია კონცერტს, რომელიც საპროდიუსერო კომპანია „ქართული ხმების“, ინტერნეტ ჟურნალ „ვარსკვლავების,“ტელეკომპანიების: „მონი TV“–სა და „გურჯაანიTV“ – ის მხარდაჭერით ტარდება.

როგორც კონცერტის აფიშაზე ვკითხულობთ, კონცერტში მონაწილეობას მიიღებენ: კობა ბეჟიტაშვილი,ზურაბ დოიჯაშვილი, ბესო კალანდაძე, ზურაბ კობეშავიძე, ნუგზარ კვაშალი, ბიძინა მახარაძე, მაკა ქაჯაია, უჩა კორძაია და ნუგზარ ერგემლიძე.

კონცერტის პროდიუსერის თამაზ ქაჯაიას თქმით, კონცერტიდან შესული თანხებიდან 800 ლარი გადაერიცხება მესხეთის თეატრს ფართის გამოყოფისთვის, თანხის ნაწილი ტრანსპორტის ხარჯებისთვისაა საჭირო, დანარჩენი თანხა კი ლეიკემიით დავადებულთა ფონდში გადაირიცხება.
კონცერტზე დასასწრები ბილეთის ფასი 7 ლარია. ბილეთების შეძენა მსურველებს მესხეთის თეატრის სალაროებში შეუძლიათ. ბილეთების გაყიდვა უკვე დაწყებულია.

[ნათია გულიაშვილი, ახალციხე]