ვალეში გაფიცულებმა საკვების მანქანა უფროსებამდე შეუშვეს

როგორც აქციის მონაწილეები ამბობენ, მათ უთხრეს, რომ შსს სამხარეო სამმართველოს თანამშრომლები აპირებდნენ ასვლას იმ შემთხვევაში, თუ მანქანას არ გაატარებდნენ.

გარდა ამისა, მუშებს აცნობეს, რომ წინააღმდეგობას თუ კიდევ გააგრძელებდნენ, არ მისცემდნენ საშუალებას საღამოს სასტუმროში გაეთიათ ღამე. საუბარია სასტუმრო „თეთრ სახლზე“, რომელიც კომპანიას ჩამოყვანილი თანამშრომლებისთვის აქვს ნაქირავები.

ამ დროისთვის ვალეში ვითარება დაძაბული აღარ არის, თუმცა, პროტესტი კვლავ გრძელდება.

შეგახსენებთ, დღეს დილის 09:00 საათიდან, ვალეში 200-მდე მუშაა გაფიცული. ისინი სამუშაო პირობებს, კვებასა და სამუშაო სააათების შემცირებას აპროტესტებენ და აცხადებენ, რომ ვიდრე მათ მოთხოვნებს არ მოისმენენ და პასუხს არ გასცემენ, აქციას არ შეწყვეტენ.

[ვარლამ წიკლაური, ნინო ნარიმანიშვილი, ახალციხე]