ასპინძაში ნიაზ დიასამიძე და ჯგუფი „33 ა“ კონცერტს გამართავს

ასპინძის გამგეობის კულტურის სამსახურის ინფრომაციით, დღევანდელი კონცერტი ახალგაზრდებისა და ტურისტებისთვის იმართება.

„ერთად გავაცილოთ ზაფხული, ასე დავარქვით ღონისძიებას, რომელსაც ორგანიზებას გამგეობის კულტურის სამსახური უწევს“,– აცხადებს გამგეობის კულტურის სამსახურის უფროსი ოთარ ცინაძე.

მისი თქმით, ღონისძიება ღია ციხს ქვეშ, რაგბის ბაზაზე 20:00 საათზე დაიწყება:“ დაახლოებით 10 000 ლარმადეა გამოყოფილი თანხა. ამ თანხაში მომღერლების ჩამოყვანა, ტექნიკის ქირაობა და სცენის მოწყობა შედის“.

კონცერტზე დასწრება ნებისმიერ მსურველს უფასოდ შეუძლია.

[ვარლამ წიკლაური, ასპინძა]