ახალქალაქის მთაში ცხვარი დაიხოცა

ფოტო: jnews.ge

სოფელ თახჩას მთაში ცხვრები დაახლოებით ორი კვირის წინ გაპარსეს, თუმცა უამინდობის გამო, რვა სული 25 მაისს დაიხოცა. მეპატრონეები ამბობენ, რომ მიზეზი სიცივე და სეტყვა იყო. მომხდარის შესახებ საინფორმაციო სააგენტო jnews.ge წერს.

გაყინვას გადარჩენილი ცხვრები მთიდან ჩამოიყვანეს.

”გვითხრეს, რომ ცხვარი ვერ უძლებს სიცივეს, წავედით და ჩამოვიყვანეთ. რვა ცხვრის გადარჩენა ვერ მოხერხდა, რადგან გაიყინენ. მარტო ჩვენი ცხვარი კი არა, გუშინ, სხვა სოფლებშიც ყოფილა მსგავსი შემთხვევები”, - ამბობს არმენ ეფრიკიანი.

მისივე თქმით, არ დაკავშირებიან არცერთ სტრუქტურას იმის გასარკვევად თუ რა იყო დახოცვის მიზეზი, რადგან დარწმუნებულნი არიან, რომ ერთადერთი მიზეზი სიცივეა.

”დახოცილი ცხვრები სხვებისგან არ განსხვავდებოდნენ. არც სუსტები და არც ავადმყოფები არ იყვნენ“, - ამბობს სოფლის მკვიდრი.

[რიმა სარუხანიან, ახალქალაქი]