ახალციხეში ახალგაზრდების საერთაშორისო დღესთან დაკავშირებით ვიქტორინა ჩატარდა

ვიქტორინა ასოციაცია ჰერა XXI-ის თანასწორ-განმანათლებლებმა, ახალციხის ახალგაზრდულ ცენტრთან თანამშრობლობით, სამოქალაქო განათლების პროგრამა ,,მომავლის თაობის“ ფარგლებში ახალციხის პირველ საჯარო სკოლაში ჩაატარა.

ვიქტორინაში მონაწილეობა შვიდი სკოლის გუნდმა მიიღო. პირველი ადგილი ახალციხის პირველმა სკოლამ მოიპოვა, მეორე ადგილი ადიგენის, სოფელ მლაშეს საჯარო სკოლას ერგო და ხოლო მესამე ადგილი ახალციხის მეექვსე და მეხუთე საჯარო სკოლების ინტეგრირებულმა გუნდმა მოიპოვა. გამარჯვებულებს სიმბოლური საჩუქრები გადაეცათ.

ვიქტორინის გამართვამდე სამი დღის გნმავლობაში, ახალგაზრდების საერთაშორისო დღისადმი მიძღვნილი კვირეულის ფარგლებში, ასოციაცია ,,ჰერა XXI"-ს თანატოლგანმანათლებელი მარიამ ნადირაძემ, ვიქტორინის მონაწილე ყველა სკოლის მოსწავლისთვის, ჩაატარა ტრენინგი ,,ჯანსაღის ცხოვრების წესი,ადრეული ქორწინება და სგგდ ინფექციები".

ღონისძიების ფარგლებში ასევე გაიმართა კამპანია-მსველობით, რომლის ფარგლებშიც ადგილობრივ მოსახლეობაში გავრცელდა 12 აგვისტოს დღის ბროშურები. ღონისძიების მიზანია საზოგადოების ინფორმირებულობის გაზრდა რეპროდუქციული ჯანმრთელობისა და ცხოვრების ჯანსაღი წესის შესახებ, რათა ნებისმიერ ადამიანს შეეძლოს როგორც საკუთარი, ისე სხვების ჯანმრთელობის დაცვა. ღონისძიების მთავარი გზავნილია- „ახალგაზრდაზე მორგებული განათლება რეპროდუქციულ ჯანმრთელობასა და ჯანსაღი ცხოვრების წესზე- შენი უსაფრთხო მომავლის გარანტიაა“.

[sknews.ge]