ახალციხემ ევროკავშირის კულტურის კვირეულს უმასპინძლა

ღონისძიების ფარგლებში "ახალციხის ციხეში" ქართულ-ევროპული ურთიერთობებისადმი მიძღვნილი ფოტოგამოფენა სახელწოდებით „კავშირები, რომელმაც გაუძლო დროს”, ასევე, ბულგარული “ცეცხლოვანი ქუჩის თეატრის” წარმოდგენა გაიმართა. ღონისძიება ბულგარეთის ელჩმა საქართველოში პლამენ ბონჩევმა და ქალაქ ახალციხის მერმა გიორგი კოპაძემ გახსნეს.

წარმოდგენილი ფოტო გამოფენა მოგვითხრობს იმ ადამიანების ისტორიას, რომლებიც ქვეყნის განვითარების მომავალს ევროპული ღირებულებების კონტექსტში ხედავდნენ. საქართველოს ეროვნულ არქივში დაცული მე-20 საუკუნის ფოტოები გადმოგვცემენ ურთიერთობების ისტორიას, რომელმაც საბჭოთა ეპოქაში ცარიზმის დროს გაუძლო. მიუხედავად განსხვავებული მმართველობითი მოდელებისა და პოლიტიკური მდგომარეობისა დროთა განმავლობაში არ შეცვლილა ევროპულ სახელმწიფოებთან საქართველოს მეგობრობისა და თანამშრომლობის სურვილი.

ევროკავშირის კულტურის კვირეულს ახალციხის გარდა, უმასპინძლეს თბილისში, თელავში, ქუთაისში, სიღნაღში, რუსთავსა და ფოთში, სადაც წარმოდგენები გამართეს ლიტველმა, გერმანელმა, პორტუგალიელმა, ავსტრიელმა, პოლონელმა, ჰოლანდიელმა, ბულგარელმა და ფრანგმა ხელოვანებმა.



[sknews.ge]