რუსთავში ხანძრის შედეგად დაზარალებულებს გამგეობა დაეხმარა

სურსათი, ჰიგიენური ნივთები და ტანისამოსი გამგეობის თანამშრომლებმა ლომიძეებს უკვე გადასცეს.

სოფელ რუსთავში მცხოვრები ლომიძეებისთვის საურსათი და სხვადასხვა სახის საყოფაცხოვრებო ნივთები ასპინძის მუნიციპალიტეტის გამგეობაში რამდენიმე დღე გროვდებოდა. ადგილობრივი თვითმმართველობის თანამშრომლებმა შეგროვილი ნივთები ლომიძეების ოჯახს 13 ოქტომბერს გადასცეს.

გარდა სხვადასხვა ნივთებისა, დაზარალებული ოჯახისთვის 2015 წლის ადგილობრივი ბიუჯეტის სარეზერვო ფონდიდან 2.495 ლარი გამოიყო, აღნიშნული თანხით, ასპინძის მუნიციპალიტეტის გამგეობამ შეიძინა სამშენებლო მასალები: 154 კვადრატული მეტრი გადასახური მასალა, ( მოთუთიებული თუნუქის ფურცლები პროფილის ფორმის) 1 489 ლარის ღირებულების, 28 კვადრატული მეტრი მოთუთიებული თუნუქის ფურცელი 270 ლარის და 3,2 ტონა ცემენტი, ღირებულებით 736 ლარი.

ასპინძის მუნიციპალიტეტის გამგეობა დაზარალებულ ოჯახს გაწმენდით სამუშაოებში ტექნიკითაც ეხმარება. გაწმედითი სამუშაობის შემდეგ ლომიძეები სახლის მშენებლობას დაიწყებენ.

შეგახსენებთ, რომ ასპინძის მუნიციპალიტეტის სოფელ რუსთავში მცხოვრებ ლომიძეებს სახლი 5 ოქტომბერს, ღამით დაეწვათ. ხანძრის შედეგად ყველაფერი განადგურდა. 5–სულიანი ოჯახი დროებით თავს საჯარო სკოლის შენობაში აფარებს.



[თინათინ ზაზაძე, ასპინძა]