ახალციხის უნივერსიტეტში მიგრაციაზე იმსჯელეს

მოხსენების თემა „ მესხეთში მეოცე საუკუნის მეორე ნახევრის მიგრაციული პროცესები “ იყო.

აუდიტორიას თემა პროფესორმა მედეა ბურდულმა წარუდგინა. სხდომას უნივერსიტეტის ლექტორები და სტუდენტები ესწრებოდნენ. მისი მოხსენება მეოცე საუკუნის მეორე ნახევრის შიდა მიგრაციულ პრობლემეს ეხებოდა.

მედეა ბურდულმა მის გამომწვევ მიზეზებზეც ისაუბრა. მან ყურადღება, როგორც პოლიტიკურ ასევე ეკოლოგიურ მიგრაციაზეც გაამახვილა და თითოეული მათგანი ცალცალკე განიხილა.

1944 წელი და 1980-იანი წლები ეს ის მნიშვნერლოვანი თარიღებია, როდესაც მასშტაბური შიდა მიგრაციული პროცესები განხორციელდა. სხადასხვა კუთხეებიდან მოსახლეობის ჩასახლება მესხეთის ტერიტორიაზე 1944 წელს პოლიტიკური მოტივით, ხოლო 1980-იან წლებში ეკოლოგიურმა პრობლემებმა განაპირობა.

სწორედ ამ პერიოდში არსებულმა ხელისუფლებამ აჭარის მაღალმთიანი სოფლებიდან ადგილობრივი მოსახლეობა მესხეთში ჩამოასახლა. შიდა მიგრაციული პროცესები შეეხოთ იმერლებსაც.

მომხსენებელმა ჩამოსახლებულების პრობლემებზეც ისაუბრა და ადგილობრივი მოსახლეობის დამოკიდებულებაც აღნიშნა. თემაზე საუბრისას მან ის ეთნოგრაფიული მასალები გამოიყენა, რომელიც სხადასხვა სოფლებში სტუმრობისას დაუგროვდა. ძირითადი ეთნოგრაფიული მასალები ახალციხიდან, ასპინძიდან და ადიგენიდან იყო აღებული.

მედეა ბურდული ისტორიის სპეციალობის სტუდენტებთან ერთად, მესხეთის სხვადასხვა სოფლებში 3 წელია გასვლით ეთნოგრაფიულ კვლევებს აწარმოებს. მისი თქმით, სტუდენტებთან ერთად, ამ თემაზე კვლავ გააგრძელებს მუშაობას.

სამეცნიერო გულანის სხდომები ტრადიციულად ყოველ ხუთშაბათს იმართება. მორიგ შეხვედრას განსხვავებული თემით ახალი მომხსენებელი ეყოლება.

[ნინო ბერიძე, ახალციხე]