პროგრამის ‘ქართული ენა მომავალი წარმატებისთვის’კონსულტანტ-მასწავლებლებისთვის ტრენინგები დაიწყო

ტრენინგი მოიცავს როგორც პროფესიულ უნარებს, ისე ენისა და საგნის ინტეგრირებული სწავლების მეთოდოლოგიას.

ტრენინგების გავლის შემდეგ პროგრამის მონაწილეები სამცხე-ჯავახეთის, ქვემო ქართლის და კახეთის არაქართულენოვან სკოლებში გადანაწილდებიან.

კონსულტანტ-მასწავლებლები სკოლაში ქართული ენის სწავლების გარდა, ადგილობრივ კოლეგებს ქართული ენის კურსებს შესთავაზებენ და ადგილობრივი კოლეგების პროფესიულ განვითარებაზე იზრუნებენ, რაც ხელს შეუწყობს ადგილობრივ დონეზე მასწავლებლის საქმიანობის დაწყების, პროფესიული განვითარებისა და კარიერული წინსვლის სქემის დანერგვას.

პროგრამა საქართველოში მცხოვრები ეთნიკური უმცირესობებისთვის სახელმწიფო ენის სწავლებაზეა ორიენტირებული და მისი ერთ-ერთი მნიშვნელოვანი კომპონენტი სამცხე-ჯავახეთის, ქვემო ქართლისა და კახეთის არაქართულენოვან სკოლებში ქართულენოვანი პედაგოგების წარგზავნაა.

[ნინო ნარიმანიშვილი, ახალციხე]