ახალციხის ბაღებში სწავლა განახლდა

ბაღების მენეჯერები ამბობენ, რომ ზუსტი ციფრები კვირის ბოლოს ეცოდინებათ. ამ ეტაპზე ასევე უცნობია დამატებით რამდენი ჯგუფი გაიხსნება.

„შევხედავთ რაოდენობას, რამდენი განცხადება დარჩება დაუკმაყოფილებელი და ამის შემდეგ მივიღებთ გადაწყვეტილებას. თუ იქნება რაოდენობა იმდენი, რომ ახალი ჯგუფი გაიხსნას, გავხსნით, ხუთი ბავშვისთვის ნამდვილად ვერ გავხსნით. ზოგს სამ ბაღში აქვს დაწერილი განცხადება და სამივეგან ხომ ვერ მივა? დროის ფაქტორია, დაველოდებით და მერე გადავწყვეტთ როგორ მოვიქცეთ“, – ამბობს ახალციხის სკოლამდელლი აღზრდის დაწესებულებათა გაერთიანების ხელმძღვანელი ნანა ბერიძე.

ახალციხეში რვა საჯარო ბაღია. რვიდან ბაგა, მხოლოდ ერთს – N1 ბაგა – ბაღს არ აქვს. სკოლამდელი აღზრდის დაწესებულებათა გაერთიანებაში განმარტავენ, რომ ამ ეტაპზე ბაღებში სწავლას 1200–მდე აღსაზრდელი აგრძელებს.

[თინათინ ზაზაძე, ახალციხე]