ივანე ახალციხელის ქუჩაზე საკანალიზაციო სისტემის მოწესრიგებას ითხოვენ

ივანე ახალციხელის ქუჩის მოსახლეობა დღეს დილიდან საკანალიზაციო სისტემის მოწესრიგების მოთხოვნით შეიკრიბა. როგორც ადგილობრივები ამბობენ, ქუჩაზე გზის დაგება დაიწყეს, თუმცა, მათი ინფორმაციით ასფალტი ისე დაიგება, რომ საკანალიზაციო სისტემა არ მოწესრიგდება.

"კანალიზაცია თუ არ გაგვიკეთეს, გზის დაგებას აზრი არ აქვს. გვინდა, რომ მოწესრიგებულად ვიცხოვროთ, აბანო იყოს სახლში, ფეკალური მასა გამოდის და ქუჩაზე მოედინება. საკანალიზაციო სისტემა საერთოდ არ არსებობს, ამბობენ, რომ იქნება მხოლოდ სანიაღვრეები. ჩვენ იმ სანიაღვრეებში მიუშვათ მილები?", – ამბობს ივანე ახალციხელის ქუჩაზე მცხოვრები თამარ აბესაძე.

ივანე ახალციხელის ქუჩაზე მცხოვრებლები ქალაქის მერიაში მისვლასაც აპირებენ. რას გეგმავს ქალაქ ახალციხის მერია აღნიშნულ ქუჩაზე და რა პასუხს მიიღებენ ადგილობრივები მერიაში. "სამხრეთის კარიბჭე" მოგვიანებით გიამბობთ.

[თამარ თოთაძე, ახალციხე]