წყალმომარაგების კომპანიის დირექტორმა თანამდებობა დატოვა

ინფორმაციას ხელმძღვანელის ცვლილების შესახებ „წყალმომარაგების კომპანია“ ავრცელებს, თუმცა საკადრო ცვლილების მიზეზი უცნობია. ამ ცვლილებას წინ უძღოდა წყლის პრობლემები სამთო კურორტებზე.

კომპანიის ცნობით, ახალი ხელმძღვანელი გრიგოლ მანდარია განათლებით ეკონომისტია. 2012 წლიდან სსიპ "საქართველოს ენერგეტიკისა და წყალმომარაგების მარეგულირებელ ეროვნულ კომისია"-ში წყალმომარაგების დეპარტამენტს ხელმძღვანელობდა, ხოლო 2019 წელს დაინიშნა საქართველოს რეგიონული განვითარებისა და ინფრასტრუქტურის სამინისტროში მრჩევლად წყალმომარაგების საკითხებში.

“გრიგოლ მანდარიას მოპოვებული აქვს ენერგეტიკისა და ტელეკომუნიკაციის დოქტორის ხარისხი. გრიგოლ მანდარიას აქვს წყალმომარაგების კომპანიების მიერ განხორციელებული ინვესტიციების შეფასება–ანალიზიისა და წყალმომარაგების სექტორში ინვესტიციების განმახორციელებელ საერთაშორისო ორგანიზაციებთან თანამშრომლობის რამდენიმე წლიანი გამოცდილება, რაც დაეხმარება მას „გაერთიანებული წყალმომარაგების კომპანიის“ მიერ დასახული გეგმების და ახალი პროექტების განხორციელებაში”, – აცხადებს წყალმომარაგების კომპანია.

[sknews.ge]