ბორჯომში 2008 წლის ომის დროს გადამწვარი ტყის ამსახველი ფოტო–გამოფენა გაიმართა

2008 წელს ომის დროს გადამწვარი ტყის ამსახველი ფოტო–გამოფენა, დღეს 8 აგვისტოს ბორჯომში მოეწყო.

გამოფენაზე ასევე წარმოდგენილი იყო ატენში, ფოთსა და სკრაში გარემოზე მიყენებული ზიანის ამსახველი ფოტო მასალები. ღონისძიებას სამცხე–ჯავახეთის გუბერნატორი აკაკი მაჭუტაძე, ბორჯომ-ბაკურიანის მიტროპოლიტი სერაფიმე, ბორჯომის მუნიციპალიტეტის გამგებელი დიმიტრი ყიფიანი და ადგილობრივი მოსახლეობა დაესწრნენ.

2008 წლის ომმა უდიდესი ზარალი მიაყენა, როგორც ბორჯომის ხეობის უნიკალურ ეკოსისტემას, ასევე ადგილობრივ სოფლებს. განადგურდა ბორჯომის ტყის 950 ჰექტარზე მეტი. გარემოს დაცვის სამინისტროს, ფინეთის მთავრობისა და გაეროს განვითარების პროგრამის (UNDP) ერთობლივი პროექტის ფარგლებში 2012 წლიდან დღემდე, 80 ჰექტარზე ტყის აღდგენითი სამუშაოები ჩატარდა.

[sknews.ge]