განახლებული ლამპიონები და არასაკმარისი განათება

განათების ახალი ბოძები დამონტაჟებულია ქალაქის ცენტრალურ უბნებში: ნათენაძის, ნებიერიძის, კოსტავას, ფარნავაზ მეფის, სულხან-საბას, კეცხოველისა და დიდიმამიშვილის ქუჩებზე. როგორც მერიაში განგვიმარტეს, გარე განათების ქსელის სისტემის გატესტვა ეტაპობრივად ხდება. „ენერგო ეფექტურობის“ პროექტი ქალაქ ახალციხის მუნიციპალიტეტის მერიამ ადგილობრივი ბიუჯეტიდან დააფინანსა. ახალი სისტემის სამონტაჟო სამუშაოები სააქციო საზოგადოება „ერისიმედმა“ შეასრულა.

როგორც მერიის ოფიციალურ გვერდზეა აღნიშნული პროექტი ხელს შეუწყობს ელექტროენერგიის 35-40 % შემცირებას. დაზოგილი ელექტროენერგიით შემცირებული თანხა კი ადგილობრივ ბიუჯეტზე დადებითად აისახება.

ფარნავაზ მეფის ქუჩაზე მცხოვრები ქეთი მელიქიძე ჩვენთან საუბრისას აღიშნავს, რომ ლამპიონი ვიზულურად ლამაზია ძველს სჯობს, თუმცა არ აქვს საკმარისი განათება.

აღნიშნულ საკითხზე მერიამ გვიპასუხა, რომ ნათურებს აქვს მომატებისა და დაკლების სისტემა, სრულად დამონტაჟებისა და ექსპლუატაციაში შესვლის შემდეგ სისტემა მთლიანად გადავა კომპოუტერულ მართვაზე და ავტომტურად დაბალანსდება განათება. ამ ეტაპზე იტესტება მთლიანად სისიტემა, ამიტომ სრული რეჟიმით არ არის დატვირთული განათება.

ქალაქის მერიის, ინფრასტრუქტურის განყოფილების თანამშრომელმა აღნიშნა, რომ ამ ეტაპზე მხოლოდ ეს ქუჩები განათდებ0ა. თუმცა, არსებობს მთლიანად ახალციხის ახალი განათების პროექტი და როდესაც ფინანსურად ამის საშუალება ექნებათ ახალი განათების სისტემა მთელს ქალაქში დამონატჟდება.

[თინათინ ინასარიძე, თეონა თაბუნიძე, ახალციხე]