ახალციხის მუნიციპალიტეტის გამგებელი: „გარდაცვლილების ოჯახებს დავეხმარებით“

ახალციხის მუნიციპალიტეტის გამგებელმა ზაზა მელიქიძემ ამის შესახებ "სამხრეთის კარიბჭესთან" შემთხვევის ადგილზე განაცხადა.

„შემაძრწუნებელი ფაქტია, სამი ახალგაზრდა გარდაიცვალა. მუნიციპალიტეტის გამგეობა შეძლებისდაგვარად გვერდში დაუდგება მათ ოჯახებს“, – ამბობს იგი და ამატებს, რომ იმის თქმა, თუ რა რაოდენობის თანხა შეიძლება გაიწეროს მათთვის ჯერ გაუჭირდება.

გარდაცვლილები შემთხვევის ადგილიდან პროზექტურაში უკვე გადაიყვანეს.

მომხდარზე ძიება ახალციხის რაიონულმა სამმართველომ სსკ–ის 115–ე მუხლით დაიწყო, რაც თვითმკვლელობამდე მიყვანას გულისხმობს.

შეგახსენებთ, რომ დღეს 23 ივლისს ჭაჭარაქში ექვსი ახალგაზრდა მდინარე მტკვარმა გაიტაცა. მათ შორის სამი უვნებელად გადარჩა, სამი კი გარდაიცვალა.

[sknews.ge]