პროექტში, 'უცნობი საქართველო', ახალციხელი ახალგაზრდები ჩაერთვნენ

პროექტს „უცნობი საქართველო“ ჰქვია და მას საქართველოს სპორტისა და ახალგაზრდობის საქმეთა სამინისტრო ახორციელებს. ლაშქრობა მიზნად ისახავს ახალგაზრდების ტურიზმით დაინტერესებასა და მათ ამ სფეროში აქტიურად ჩართვას.

6 ახალგაზრდა თავდაპირველად წალკის სოფელ ჩოლიანში დაბანაკდება, შემდეგ კი სოფელ რკონში გადაინაცვლებს. ლაშქრობის პარალელურად, მონაწილეებს ჩაუტარდებათ ტრენინგები ტურიზმის შესახებ, ისწავლიან ტურისტულად სტრატეგიული ადგილების მიხედვით მარშუტების შედგენასა და შეიძენენ გიდობისთვის საჭირო უნარებს.

ახალციხის მერიაში ამბობენ, რომ ახარგაზრდები აქტიურობის მიხედვით შეირჩნენ. მერიაში შერჩეული სამივე ახალგაზრდა მერიის ახალგაზრდული საბჭოს წევრია.

პროექტის მონაწილეები ლაშქრობაში სამი დღით წავიდნენ და იქიდან დაბრუნების შემდეგ მსგავს აქტივობას თავად დაგეგმავენ.

[ნანა მიქელაძე, თეონა თაბუნიძე, ახალციხე]