მესხეთის თეატრი რეგიონული თეატრების საერთაშორისო ფესტივალისთვის ემზადება

რეგიონული თეატრების საერთაშორისო ფესტივალი ფოთში საქართველოს კულტურისა და ძეგლთა დაცვის სამინისტროს მხარდაჭერით, 15-25 ივლისს ჩატარდება.

ფესტივალში მონაწილეობენ როგორც საქართველოს, ასევე იტალიის, ბელორუსიის და პოლონეთის რეგიონული თეატრები.

მესხეთის თეატრი წარმოაადგენას 20 ივლისს, 20:00 საათზე გამართავს.

სპექტაკლის, „მატარებელი მოდის“, დამდგმელი რეჟისორი იოსებ ბაკურაძეა. მასში მესხეთის თეატრის ხუთი მსახიობი მონაწილეობს.

გარდა ამისა, აღნიშნული სპექტაკლი ნიმინაციით, საუკეთესო ახალგაზრდა რეჟისორი, პრემია „დურუჯზეა“ წარდგენილი, რომლის დაჯილდოება სექტემბერშია დაგეგმილი.

„ფოთში რეგიონული თეატრების საერთაშორისო ფესტივალის მიზანია ხელი შეუწყოს სხვადასხვა ქვეყნების თეატრებს შორის ურთიერთანამშრომლობას, გამოცდილების გაზიარებას და დამეგობრებას“, – აცხადებენ საქართველოს კულტურის სამისნიტროში.

[ვარლამ წიკლაური, ახალციხე]